A final celébrase o sábado 19 de outubro no Auditorio Abanca
de Santiago de Compostela ás 20.00 h.
Presenta o xornalista
Luís Pardo
Ademais dos finalistas actuará
De Ninghures
Debuxa en directo o artista visual
Xavier Belho
Na gala final participarán os finalistas:
Carabela
Deles o xurado destacou que é “unha proposta construída con solidez, que atende o traballo vocal e tamén a melodía, cunha deriva electrónica delicada e sofisticada”. Nados en 2021, esta banda noiesa dálle unha nova volta ao ao temón da cada vez máis natural confluencia entre as correntes do pop, a electrónica e a música tradicional.
Gloria Pavía & Rafa Morales
Cunha linguaxe propia, o dúo formado pola cantante Gloria Pavía e o baixista Rafa Morales tráenos un repertorio formado por temas orixinais que ofrecen tanto momentos intimistas como intensos grazas ao xogo de timbres. O xurado salientou deles a “utilización de elementos moi escollidos que fan lucir a estrutura das cancións de autora”, na que tamén destacan o seu talento vocal, a orixinalidade e o minimalismo.
Cintaadhesiva
Formada pola poeta Silvia Penas e o músico Jesús Andrés Tejada, o xurado destacou a súa “proposta arriscada, que combina con destreza as partes melódicas e as recitadas con bases electrónicas escuras”.